Home >> News >> Latest News>> ప్రియురాలిపై తుపాకీతో కాల్పులు.యువతికి తీవ్రగాయాలు

ప్రియురాలిపై తుపాకీతో కాల్పులు.యువతికి తీవ్రగాయాలు
Published Date :2/27/2020 9:11:33 AM
ప్రియురాలిపై తుపాకీతో కాల్పులు.యువతికి తీవ్రగాయాలు

ప్రేమించిన యువతిపై నాటు పిస్టల్‌తో కాల్పులు జరిపి, తరువాత తాను తీవ్ర గాయాలతో పడి ఉన్నాడు. ఇద్దరూ ఒడిశాకు చెందినవారు కాగా బెంగళూరులో ఉద్యోగాలు చేస్తూ ఉన్నారు. ఈ సంఘటన మంగళవారం అర్ధరాత్రి మారతహళ్ళి వంతెనవద్ద చోటు చేçసుకుంది. పోలీసులు తెలిపిన వివరాల ప్రకారం. ఒడిశాకు చెందిన అమరేంద్ర పటా్నయక్‌ (33), మంగళవారం రాత్రి వైట్‌ఫీల్డ్‌ సమీపంలోని మున్నెకొల్లాల వద్ద ప్రైవేటు హాస్టల్లో ఉంటున్న యువతి ప్రియదర్శిని పైన నాటు పిస్టల్‌తో కాల్పులు జరిపి పారిపోయాడు. గాయపడిన యువతిని స్థానికులు ఆస్పత్రికి తరలించారు. ప్రస్తుతం యువతి చికిత్స పొందుతోంది. వీరిద్దరూ ప్రేమికులని సమాచారం.  తెల్లవారుజామున 2 గంటల సమయంలో అమరేంద్ర పట్నాయక్‌ సైతం మారతహళ్ళి వంతెన వద్ద తీవ్రగాయాలతో పడి ఉన్నాడు. పోలీసులు వచ్చి అతన్ని ఆస్పత్రికి తరలించారు. అతనికి గొంతు భాగంలో, కడుపులో తీవ్ర గాయాలై ఉన్నాయి, పరిస్థితి విషమంగా ఉన్నదని వైద్యులు తెళిపారు. ఇది ఆత్మహత్య యత్నమా లేక ఎవరైనా దాడి చేశారా అని పోలీసులు దర్యాప్తు చేస్తున్నారు. అమరేంద్ర పటా్నయక్‌ వద్ద సుమారు 17 పేజీలతో కూడి ఆత్మహత్య లేఖ లభించించినట్లు పోలీసులు తెలిపారు. ప్రేమ వ్యవహారమే గొడవకు కారణమని భావిస్తున్నారు. ఇద్దరూ కోలుకుంటే పూర్తి సమాచారం తెలుస్తుందని పోలీసులు చెప్పారు. వైట్‌ఫీల్డ్‌ పోలీసులు కేసు దర్యాప్తు చేస్తున్నారు




Related News Articles